Oportunidade diak ba jovem sira

Hanesan membro TLYFP no participante IFP conference 2016, Mireille Sam hakarak jovem Timor oan bele koko oportunidade ida né, tanba iha benefício bot ba jovem Timor. Conferência ne único tebes iha Timor, no realiza husi estudantes UWCSEA. Tinan tinan estudantes hsui UWCSEA sempre mai halao conferência ida nee iha Centro de formação João Paulo II hamutuk ho membros TLYfP. Fiar katak jovem nebe mak Tuir conferensia ne, sira sei aprende buat barak neebe mak sira seidauk aprende iha sira nia escola. Tanba nee sugere maluk jovem timor oan sira atu tuir conferência ida ne. IfP conference ne fo oportunidade nebe diak tebes atu: - Ita loke ita nia hanoin kona ba problemas iha nível nacional no mos iha nível internacional no hatene rezolve conflitos sira ne; - Ita conhece no aprende buat barak husi fasilitador sira nebe mai husi nação sira seluk no conhece mos sira nia cultura; - ita bele hasae ita nia kapasidade iha lian inglês, treina ita nia mentalidade no aprende oinsa bele sai líder neebe diak. Iha IfP conference ne ita sei iha kolega barak, ita konhese ema ho karakter ida-idak, no mos ita aprende atu respeita malu no rona malu. Prepara imi nia aan didiak atu foti oportunidade ida nee tamba oportunidade ida nee susar atu hetan. Boa sorte!