Ideia brilliant ida husi foinsa'e sira

Ross Merry da Gloria Borges, agora dadaun nudar membru atual TLYFP. Halao hela estudu iha Universidade Nasional Timor Lorosae, iha Departamentu Relasaun internasional. Koalia konabá DMUN ka Dili Model united Nations, ba hau ida ne'e hanesan ideia brilliant ida husi foinsa'e sira ne'ebé hola parte iha laran, tantu hirak ne'ebé organiza ou sira ne'ebé hetan oportunidade nudar Partisipante. DMUN hanesan simulasaun debates ONU nia nebe primeira vez ezisti iha Timor Leste, ne'ebé mos organiza husi foinsa'e sira ne'ebé iha paixaun ba lalaok debate issu globais sira. DMUN hanesan parte ida husi TLyfp tnba organizadores sira maioria mai husi Membru TLyfp no 100% nudar rezultadu husi servisu makaas membru sira ne'ebé hamahan aan iha Tlfyp. Pesoalmente, Konferensia 'Initiative for peace' ne'ebé hau atende iha tinan 2012 liu bá, nudar passu primeiru ba hau hodi bele sai hau ida agora. Quer dizer antes hau partisipa iha IFP12 hau laiha Self confidence ne'ebé diak, hau labele kontrola hau nia nervous wainhira koalia iha públiku, no lahatene mós konabá skill sai lideransa ne'ebé diak. No buat hirak ne'e lakon wainhira hau passa loron 7 hamutuk ho maluk partisipante seluk, no fasilitadores ne'ebe mai husi nasaun oin-oin, hanorin no hatudu diversidade kultura, no fahe mos matenek, nune'e bele transforma Hau nia aan ne'ebé passivu, sai ema ne'ebé ativu iha atividade sira ne'ebé hala'o husi maluk joven sira seluk.