Victor Viegas, agora dadaun nudar membro atual TLYfP. Halao hela estudos iha Faculdade de Medicina da Universidade do Porto, Portugal. Victor Viegas ema neebe gosta envolve an iha aktividades juventude nian.

"Hau sai membro TLYfP nian depois de hau participa conferencia IFP iha 2012. Relativamente à conferencia, hau aprende buat barak husi conferencia ne, buat nebe ajuda hau hodi cresce, buat nebe influencia hau hodi sai ema ida nebe diak liu tan ba hau nia comunidade. Hau bele dehan katak buat nebe ami aprende husi IFP mak sai base nebe ami uza hodi aplica iha TLYfP nia atividades sira. Hau sugere ba jovem sira atu participa laos conferencia IFP deit, maibe conferencia hotu hotu nebe bele aumenta imi nia conhecimento no experiência.
Hau la aprende buat barak husi deit conferencia IFP, maibe hau aprende buat barak mos desde hau envolve aan iha TLYfP nia atividades. Buat importante liu nebe mak hau aprende no aplica liu iha TLYfP maka trabalho em “equipa”. TLYfP ne “grupo” ida composto husi jovem creativo barak, maibe quando hakarak atu atinge objetivo ida, jovem sira ne sempre trabalha em “equipa”, sempre buka tau hamutuk ideas barak, ajuda malu, comunica ba malu, compreende malu, respeita malu, resolve problemas hamutuk, etc. Atu equipa ne bele serviço ho diak, claro que nia precisa “líder” ida nebe maka diak . Ho ida ne, hau bele conclui katak, se continua halo atividades barak ho sucesso, maske atividades simples maibe ho significado nebe importante, ho influencia boot, grupo TLYfP bele contribui liu tan hodi halo mudanças positivas iha ita nia comunidade, no ba Timor-Leste.  Ba jovem sira nebe maka sei participa conferencia IFP tinan ida ne, no ba jovem sira nebe maka iha interesse atu join ami nia grupo, hau, husi grupo TLYfP sugere atu imi junta ho ami!

By : Victor Viegas

0 komentar:

Posting Komentar

 
TLYFP © 2017. All Rights Reserved. Powered by Blogger
Top