Aban Timor-Leste sei tau ropa kór mutin, iha Loron Internasionál ba Dame.
Organizasaun Juventude Timor-Leste ba Dame (TLYFP) aban dadeersan sei
selebra iha eskola São Pedro, Komoro, ho konsertu, teatru no dansa
tradisionál.
Hahú iha tuku tolu lorokraik grupu refere sei la’o husi Largo de Lecidere no fahe flyers hodi sensibiliza ema.
Uza t-shirt ká kamizola mutin ida ne’e hanesan pedidu ida husi organizasaun, hodi hatudu kór kona-ba Dame.
TLYFP nu’udar organizasaun juvenil ida ne’ebé harii 2009, husi
estudante timór-oan sira ne’ebé mak marka prezensa iha konferénsia
internasionál "Inisiativa ba Paz" ne’ebé organiza husi koléjiu Mundial
Sudeste Ázia, iha Bali, Indonézia.
Objetivu ne’e mak atu bele hato’o mensajen Dame no fahe lia-fuan ne’e
liuhosi esperiénsia kulturál, projetu, servisu, responsabilidade, buat
hotu ne’ebé mak halo hodi hametin ideia no importánsia kona-ba Dame.
0 komentar:
Posting Komentar