Foinsa’e sai hanesan jerasaun ne’ebé iha influensia bo’ot ba dezenvolvimentu no mudansa iha nasaun ida nia laran. Timor-Leste, hanesan nasaun foun, presija tebes enerjia husi foinsa’e sira atu bele haburasdame, estabilidade, mudansa, no konservasaun meiu ambiente.
Timor-Leste Youth for Peace (TLYfP) harí ba dahuluk iha 2007 husi estudante eskola  haat, no koñesidu bo’ot iha 2009, husi estudante timoroan balu ne’ebé hetan inspirasaun husi Initiative for Peace Conference (IfP), hanesan konferénsia anuál ne’ebé focus iha Timor hahú 2007, organiza husi estudantes no professores husi United World College of South East Asia (UWCSEA) husi Singapura, ne’ebé aktualmente iha affiliasaun ho TLYfP atu hasae komprensaun internasionál ba problema global, hanesan konflitu, dalan ba dame, problema ambiente, oinsá buka solusaun,  konferénsia ne’e uza foinsa’e sira husi ensinu sekundáriu, no universidade balun, hanesan meius sai modelu ba dame iha nasaun.
TLYfP harí ho misaun atu servisu ba fahe informasaun konabá dame, proteksaun ba meiu ambiente, suporta ba dezenvolvimentu edukasaun ba labarik sira, inklui selebrasaun loron Internasionál ba Dame no loron nasionál ba foinsa’e.
Aktividade barak ona mak halao hahú husi tinan ne’ebé TLYfP harí, hanesan kuda-ai, hamoos ambiente, sosializasaun ho estudante sira no mós komunidade konabá Dame no ambiente, selebra Peace One Day, loron foinsa’e, no hanorin inglês ba labarik sira. Valor prinsipál organizasaun nian atu sai modelu iha komunidade nia leet, no respeita ambiente.
TLYfP iha fiar katak, ba oin, no ho neneik, organizasaun foinsa’e la ho fin-lukrativu ne’e bele desenvolve ba oin atu halo foinsa’e sira “hanesan forsa, atu hametin Dame, servisu ba positivu , no ambiente ne’ebé sustentavel”.

0 komentar:

Posting Komentar

 
TLYFP © 2017. All Rights Reserved. Powered by Blogger
Top